Motors
NiC Asia

गृहपृष्ठ जनसेवीको ४३९ प्रतिशतले नाफामा बृद्धि

जनसेवीको ४३९ प्रतिशतले नाफामा बृद्धि

पर्बतको जनसेवी लघुवित्त वित्तीय संस्था लिमिटेडले २०७५ पौष मसान्त सम्ममा ७९ लाख २५ हजार नाफा आर्जन गर्न सफल भएको छ । गत बर्षको सोही अवधिमा रु १८ लाख ०१ हजार,७ सय ८७ नाफा गरेकोमा यस बर्ष ४३९ प्रतिशतले नाफामा बृद्धि गर्न सफल भएको प्रमुख कार्यकारी अधिकृत कमल खत्रीले बताए ।

यस वित्तीय संस्थाको कोषमा हाल रु ४३ लाख १० हजार ५५ रहेको छ भने प्रति शेयर आम्दानी रु १२.५१ रहेको छ । यस वित्तीय संस्थाले सर्वसाधारणका लागी ४करोड ६३लाख ३० हजार रुपैया बराबरको शेयर निस्कासन गर्नेका लागी धितोपत्र बोर्डमा स्वीकृतीका लागी निवेदन दर्ता गरी प्रक्रिया अगाडी वढीसकेको बताइएको छ ।
वित्तीय संस्थाको कार्यक्षेत्र १० जिल्ला (पर्वत,बागलुङ, म्याग्दी, रुकुम, रोल्पा, गोरखा, तनहुं, लमजुङ, कास्की र गुल्मी ) बाट २५ वटा शाखा कार्यालय मार्फत लघुवित्त सेवा प्रवाह गरी रहेको छ ।

हाल यस वित्तीय संस्थाको अधिकृत पूंजी रु ३० करोड, जारी पूंजी रु.१४ करोड ४३ लाख ३० हजार र चुक्ता पूंजी रु.९ करोड ८० लाख रहेको छ ।

यस वित्तीय संस्थाले गरिब तथा न्यून आय भएको जनसमुदायमा समूह विस्तार गरी १३,२०४। जना ग्राहक सदस्यबाट २०७५ पौष मसान्त सम्म रु.१५ करोड ४८ लाख ८८ हजार रुपैया बचत संकलन गरेको छ ।

वित्तीय संस्थाले ७ हजार ४ सय ६८ जना सदस्यलाई रु १ अर्व,६० करोड, ५ लाख, १९ हजार रुपैया कर्जा प्रवाह गरी रु १ अर्व ८ करोड,७५ लाख १८ हजार. असुली भई हाल रु ५१ करोड, ३० लाख,१ हजार रुपैया लगानीमा रहेको प्रमुख कार्यकारी अधिकृत कमल खत्रीले बताए ।

प्रतिकृया दिनुहोस्

सम्बन्धित शीर्षकहरु