Motors
NiC Asia

गृहपृष्ठ ‘गैरकानुनी रुपमा विदेशीनेले अरबौं रुपैयाँ विदेश पु¥याए’

‘गैरकानुनी रुपमा विदेशीनेले अरबौं रुपैयाँ विदेश पु¥याए’

अमेरिकामा कार्यरत अधिवक्ता वासुदेव फुलाराले लाखौको संख्यामा नेपालीहरु गैरकानुनी रुपमा विदेश गइरहेको बताउँदै गैरकानुनी रुपमा विदेश जाँदा अलपत्र पर्ने समस्या बढेको बताएका छन् ।

मिडिया इन्टरनेसनलले आयोजना गरेको एटर्नी एट ल बासुदेव फुलाराको सम्मान विषेश कार्यक्रममा बोल्दै उनले अझै पनि सरकारले एनआनलाई लागानी गर्नको लागि विश्वासको बातावरण बनाउन नसकेको बताए ।

कार्यक्रममा बोल्दै उनले लाखौको संख्यामा नेपालीहरु गैरकानुनी रुपमा विदेश गइरहेको बताउँदै गैरकानुनी रुपमा विदेश जाँदा अलपत्र पर्ने समस्या बढेको बताए । गैरकानुनी रुपमा ंअमेरीका तथा यूरोपियन मुलुकमा जाँदा अरबौं रुपैयाँ नेपाली दलाल मार्फत विदेशीने गरेकोले यस्तो कार्य रोक्न राज्य गम्भिर हुनुपर्ने बताए ।

यस्तो समस्या नेपालको ठुलो संख्यामा रहेको भन्दै उनले नेपाल सरकार, नेपालका मिडिया हाउस र बार एसोसियसनले यी विषयलाई गम्भिर रुपमा लिनुपर्ने उनले बताए ।

नेपालीहरुले विदेशमा पसिना चुहाएर पठाएको रेमिट्यान्स गैरकानुनी रुपमा विदेशी दलाहरुले लैजाने गरेको उल्लेख गरे । यो कार्य बढ्दै जाँदा यसको नियन्त्रणमा समेत चुनौती बढ्ने उनले बताए । सम्बन्धित निकायले यसमा ध्यान दिनुपर्नेमा उनको जोड थियो ।

आफु अमेरीका जाँदाको स्मरण गर्दै फुलाराले पछिल्लो समय दलालहरुले खुलम खुल्ला रुपमा पचासौंलाख सम्म ठगेर अमेरीकाको सपना देखाउने गरेको भन्दै त्यस्ता ठग बाट सजग रहन अनुरोध गरे ।

अहिलेको बदलिँदो अमेरिकन आप्रवासि नीतिले कानुनी रुपमा अमेरीकामा रहेका नेपालीलाई कुनै पनि प्रभाव नपर्ने उनले बताए ।

तर गैरकाननुनी रुपमा अन्य मुलुकको सिमाना हुँदै अमेरीकामा जानेहरुलाई भने असहज भएको बताउँदै गैरकानुनी रुपमा अमेरीका प्रवेस गर्ने आप्रवासिलाई लक्षित गरेर आप्रवासन निति लागु हुन लागेको उनले बताए ।

उक्त आप्रवासन नीति पनि अदालती प्रक्रियामा रहेकाले कसरी अगाडी बढ्छ भन्ने एकिन नभएको उनले बताए ।

कार्यक्रममा ट्रेकिङ एजेन्सिज एसोशियसन अफ नेपाल (टान) का बरिष्ठ उपाध्यक्ष खुम बहादुर सुवेदी, बरिष्ठ अधिबक्ता रबी नारायण कोइराला लगायतले सरकारले देशको विकास गर्न सके विदेशीनुपर्ने बाध्यता नरहने बताए ।

मिडिया इन्टरनेसनलका अध्यक्ष माधव निर्दोषको अध्यक्षतामा सम्पन भएको उक्त कार्यक्रममा नेपालमा कार्यरत विभिन्न अधिवक्तहरुको पनि उपस्थिति रहेको थियो ।

प्रतिकृया दिनुहोस्

सम्बन्धित शीर्षकहरु